উত্তৰ ঃ 'কিৰণ নিধি যোজনা' পিপলান্ত্ৰি গাঁওখনক পুনৰুজ্জীৱিত কৰি তোলা তথা গাঁওখনৰ মুখিয়াল শ্যাম সুন্দৰ পালিৱালে তেওঁৰ কন্যা মৃত কিৰণৰ স্মৃতিত প্ৰৱৰ্তন কৰা এখন জনকল্যাণমূলৰ আঁচনি। এই আঁচনিখনৰ অধীনত পিপলান্ত্ৰি গাঁৱত কন্যা সন্তান জন্মিলে গাঁৱৰ ৰাইজে কন্যাগৰাকীৰ নামত ১১১টা গছপুলি ৰোপণ কৰে।
এই যোজনাৰ অধীনত গঞা ৰাইজে চাৰিটা বিশেষ দায়িত্ব পালন কৰিব লাগে। সেইকেইটা হ'ল - (১) কন্যা সন্তানক ল'ৰা সন্তানৰ দৰেই ভালকৈ ডাঙৰ-দীঘল কৰা, (২) পানী সংৰক্ষণ কৰা, (৩) গছ-গছনি ৰুই প্ৰতিপালন কৰা আৰু (৪) খেতি-বাতি কৰি নিজৰ প্ৰয়োজন পূৰণ কৰা।
৫। কন্যা সন্তানৰ সুৰক্ষাৰ বাবে শ্যাম সুন্দৰ পালিৱালে কেনেধৰণৰ আঁচনি লৈছিল ?
উত্তৰ ঃ আমাৰ দেশৰ বিভিন্ন ৰাজ্যত এতিয়াও কন্যা সন্তানৰ প্ৰতি বৈষম্যৰ ভাব পোষণ কৰা হয়। ইয়াৰ ব্যতিক্ৰম নাছিল পিপলান্ত্ৰি গাঁওখনো। এই গাঁৱতো ভ্ৰূণ হত্যাৰ দৰে মহাপাপ সংঘটিত হৈ আহিছিল। কিন্তু গাঁৱৰ মুখিয়াল শ্যাম সুন্দৰ পালিৱালৰ বিশেষ পদক্ষেপত গাঁওখনৰ মানুহৰ মনোভাৱ সলনি হৈছিল আৰু ছোৱালী সন্তানে যেন হেৰুৱা সন্মান ঘূৰাই পাইছিল। তেওঁৰ আহ্বানতে গাঁৱত ছোৱালী সন্তান জন্ম হ'লে দুখ কৰা সলনি আনন্দ-উল্লাস কৰি উৎসৱমুখৰ পৰিৱেশ সৃষ্টি কৰা হয়। নৱজাতক কন্যাগৰাকীৰ নাম গঞা ৰাইজে ১১১টা গছপুলি ৰোপণ কৰে আৰু সেই কন্যা সন্তানৰ সুৰক্ষাৰ প্ৰতি লক্ষ্য ৰাখি শ্যাম সুন্দৰে কেইটামান নিয়ম বান্ধি দিছিল। সেই নিয়মসমূহ আছিল এনেধৰণৰ -
(১) গাঁৱৰ কোনো লোকে কন্যা ভ্ৰূণ হত্যা কৰিব নোৱাৰিব।
(২) ছোৱালীজনীক যেনেদৰে আলফুলে তুলি-তালি ডাঙৰ কৰা হ'ব, সেই একেই মৰম-চেনেহ আৰু যত্নৰে ১১১টা গছপুলিকো প্ৰতিপালন কৰিব লাগিব।
(৩) কোনো ছোৱালীক শিক্ষাৰ পৰা বঞ্চিত কৰিব নোৱাৰিব।
(৪) কোনো পৰিস্থিতিতে ছোৱালীৰ বাল্যবিবাহ সম্পন্ন কৰিব নোৱাৰিব।
(৫) কন্যা সন্তানৰ জন্মৰ সময়ত গাঁৱৰ ৰাইজে ২১,০০০ টকা সংগ্ৰহ কৰিব আৰু পিতৃ-মাতৃৰ পৰা ১০,০০০ টকা লৈ ছোৱালীগৰাকীৰ নামত বেংকত ফিক্সড ডিপ'জিট কৰাও গাঁওখনত এক প্ৰথা আছে। সেই প্ৰথা যাতে কোনো কাৰণত ব্যাহত নহয়, তাৰবাবে শ্যাম সুন্দৰে নিয়ম বান্ধি দিছিল যে, বেংকত থোৱা ৩১,০০০ টকা ছোৱালীৰ পঢ়া বা বিয়াৰ কামতহে খৰচ কৰিব পাৰিব।
(৬) ছোৱালীৰ জন্মৰ সময়ত ৰোৱা গছপুলিবোৰো গাঁৱৰ সম্পত্তি হ'ব।
তেওঁৰ দ্বাৰা নিৰ্দ্ধাৰিত ষ্টাম্প পেপাৰত লিপিৱদ্ধ এই নিয়মৰ চুক্তিত স্বাক্ষৰ কৰি প্ৰতিশ্ৰুতি দিবলগীয়া হয় গাঁৱৰ ৰাইজে। এনেদৰেই কঠোৰ নিয়মেৰে শ্যাম সুন্দৰ পালিৱালে কন্যাসকলক সুৰক্ষা দিছিল।
*********
অভিনৱ প্ৰচেষ্টা
ردحذفঅতি সুন্দৰ প্ৰচেষ্টা🙏💐🙏
ردحذف