দ্বিতীয় বৈকুণ্ঠপুৰীত পৰিণত হয় টাউন তেলিয়াগাঁৱৰ নামঘৰ। শনিবাৰে দিনজোৰা কাৰ্যসূচীৰে অনুষ্ঠিত হয় নৱনিৰ্মিত নামঘৰটিৰ প্ৰথম বাৰ্ষিক প্ৰতিষ্ঠা দিৱস। পুৱা খোলপ্ৰসঙ্গৰ মাংগলিক ধ্বনিৰে শুভাৰম্ভ হয় দিনজোৰা কাৰ্যসূচীৰ। দুপৰীয়াৰ ভাগত অঞ্চলৰ সমূহ ভক্তপ্ৰাণ ৰাইজ তথা আইমাতৃৰ অংশগ্ৰহণেৰে অনুষ্ঠিত হয় নাম-প্ৰসঙ্গৰ অনুষ্ঠান।
সন্ধ্যাৰ ভাগলৈ গুৰুগৃহৰ চাৰিওফালে বন্তি প্ৰজ্বলনেৰে প্ৰভু ভগৱন্তৰ শ্ৰীচৰণত সেৱা জনাই বিশ্বশান্তিৰ কামনা কৰা হয়। নিশাৰ ভাগত অনুষ্ঠিত ভাগৱত পাঠ আৰু ব্যাখ্যাৰ অনুষ্ঠানেৰে প্ৰতিষ্ঠা দিৱসৰ দিনজোৰা কাৰ্যসূচীৰ অন্ত পৰে। উল্লেখযোগ্য যে, সাম্প্ৰতিক সময়ত ক'ৰোণা মহামাৰীৰ ফলত সৰ্বত্ৰে সৃষ্টি হোৱা ত্ৰাসৰ বাবেই এইবেলি নামঘৰভাগৰ প্ৰতিষ্ঠা দিৱসটি পূৰ্বৰ তুলনাত কিছু অনুষ্টুপীয়াকৈ কভিড প্ৰট'ক'ল মানি অনুষ্ঠিত হয়।
ليست هناك تعليقات:
إرسال تعليق